SportFENGUR

SportFengur er veflægt mótakerfi fyrir Landssamtök Hestamannafélaga (LH) til að halda utan um íþrótta- og gæðingakeppni. SportFengur er dótturforrit WorldFengs (WF), upprunaættbókar íslenska hestsins og samnýtir SportFengur ýmis gögn í upprunaættbókinni.

Í SportFeng eru öll mót stofnuð með keppendum í öllum greinum og eru þá upplýsingar um hross sóttar í WF. Öll hross verða að vera skráð í WF til að fá þátttökurétt í mótum. Kappi er sérstakt gluggakerfisforrit sem notað er á mótsstað og vinnur án tengingar við Internetið. Í Kappa eru allar niðurstöður móts skráðar og að móti loknu eru þær sendar rafrænt í SportFeng yfir Internetið. SportFengur safnar saman öllum niðurstöðum íþrótta- og gæðingakeppna á einn stað í miðlægan gagnagrunn.

SportFengur er þróaður í tölvudeild Bændasamtaka Íslands í samráði við tölvunefnd LH.

LH veitir alla þjónustu við notendur kerfisins.